नेपाली कांग्रेस सुनसरी क्षेत्र नं. ४ का क्षेत्रीय सभापति तथा कोशी गाउँपालिकाका अध्यक्ष ऐयुब अन्सारी ज्यूले कोशी गाउँपालिका–०३, जमुवास्थित आफ्नै निज निवासमा कोशी प्रदेश सरकारका उद्योग, कृषि तथा सहकारी मन्त्री मा. इस्राईल मन्सुरी ज्यूलाई भव्य रूपमा स्वागत तथा सम्मान गर्नुभएको छ।

उक्त अवसरमा स्थानीय नेतृत्व, पार्टीका प्रतिनिधिहरू तथा शुभेच्छुकहरूको उल्लेख्य उपस्थिति रहेको थियो। भेटघाटका क्रममा आपसी सम्मान, सहकार्यको सुदृढीकरण तथा कोशी गाउँपालिकाको समग्र विकासलाई अघि बढाउने विषयमा सकारात्मक र अर्थपूर्ण संवाद भएको जनाइएको छ।

कार्यक्रमले पार्टीभित्रको एकता मजबुत बनाउँदै स्थानीय विकासप्रति साझा प्रतिबद्धता अझ प्रगाढ बनाएको सहभागीहरूले बताएका छन्।