कोशी प्रदेश, राष्ट्रिय स्वतन्त्र पार्टी (रास्वपा) ले सार्वजनिक गरेको समानुपातिक सांसद सूचीप्रति कोशी प्रदेश कार्यवाहक अध्यक्ष गोमा तामाङले असन्तुष्टि व्यक्त गरेकी छन्।

तामाङले पार्टीको सूची तयार गर्दा कोशी प्रदेशको भौगोलिक र जातीय विविधता पर्याप्त रूपमा समेटिन नसकेको गुनासो गरेकी छन्। उनले सामाजिक सञ्जालमार्फत सूचीमा केही योग्य व्यक्तिहरूको नाम नपरेको भन्दै प्रश्न उठाएकी छन्।

उनले सूचीमा शोभा कार्की, सत्यकला राई, मीरा लाबुङ जस्ता व्यक्तिहरूको नाम नपर्नु दुःखद भएको टिप्पणी गर्दै, यस्तो निर्णयले प्रदेशको सन्तुलित प्रतिनिधित्वमा असर पार्न सक्ने चेतावनी दिएकी छन्।

गोमा तामाङका अनुसार, प्रदेशको हरेक क्षेत्र र समुदायको उचित सहभागिता सुनिश्चित नगरी बनाइएको सूचीले पार्टीको विश्वास र समर्थनमा असर पार्न सक्छ।