दुहबी, सुनसरी । कोशी प्रदेश सरकारका उद्योग, कृषि तथा सहकारी मन्त्री मा. इस्राईल मन्सुरी ज्यूले पशु सेवा तालिम केन्द्र, दुहबीको स्थलगत निरीक्षण तथा अवलोकन गर्नु भएको छ। अवलोकनका क्रममा मन्त्री ज्यूले केन्द्रको भौतिक संरचना, हालको सेवा प्रवाहको अवस्था तथा आगामी दिनमा सञ्चालन गरिने कार्यक्रमहरूबारे सम्बन्धित पदाधिकारीसँग संक्षिप्त जानकारी लिनु भएको हो।

मन्त्री मन्सुरी ज्यूले पशुपालन तथा कृषि क्षेत्रको समग्र क्षमता अभिवृद्धिमा यस केन्द्रको भूमिका अत्यन्त महत्वपूर्ण रहेको उल्लेख गर्दै आवश्यक सुधार, आपसी समन्वय र कार्यक्रमहरूको प्रभावकारी कार्यान्वयनमा प्रदेश सरकार पूर्ण रूपमा प्रतिबद्ध रहेको स्पष्ट पार्नु भयो। उहाँले किसानमैत्री, व्यवहारिक र परिणाममुखी तालिममार्फत पशुपालक तथा कृषकलाई आत्मनिर्भर बनाउने दिशामा केन्द्रले अझ सक्रिय भूमिका खेल्नुपर्नेमा जोड दिनु भयो।

अवलोकनपछि मन्त्री ज्यूले सेवा प्रवाहलाई थप प्रभावकारी, पहुँचयोग्य र आधुनिक बनाउन आवश्यक पहल गरिने विश्वास व्यक्त गर्नु भयो।